ఇటీవలి కాలంలో రైళ్ళకన్నా ఈ జీవిత సత్యం సిటీ బస్సులకు మాత్రం తప్పకుండా వర్తిస్తోంది.
ప్రతిరోజూ బస్టాపుల్లో గంటలతరబడి బస్సులకోసం ఎదురుచూడడం, తీరా ఆ బస్సు వచ్చినా దాని కోసం నిర్దేశించిన స్థలంలో అది ఆగక దూరంగా ఆగడం, అందుకోవడం కోసం పరుగులు పెట్టడం సగటు మధ్యతరగతి జీవులకి మామూలే. తీరా బస్ ఎక్కలేక పోతే నిరాశతో వెనక్కి వచ్చినా కూర్చోవడానికి సరైన చోటు లేక నిలబడి ఉండవలసిందే. చాలా బస్టాపులు దుర్గంధానికి నిలయాలు. మారు మూల ప్రాంతాలలో అంటే అనుకోవచ్చు కానీ పెద్ద పెద్ద రోడ్ల కూడళ్ళు జనసమ్మర్దం ఎక్కువగా ఉండే ప్రాంతాలు అన్నిటిలోనూ బస్టాపులన్నీ అశుభ్రత కి చిరునామాలే.
బస్సులో ప్రయాణం అనే శిక్షలో ఎండకు ఎండుతూ, వర్షానికి నానుతూ, చలికి ఒణుకుతూ బస్టాపుల్లో బస్సులకోసం గంటలతరబడి నిరీక్షించడం కూడా ఒక భాగం.
ఒక వర్షం రోజున హైదరాబాద్ హైకోర్టు పక్కన కొంతమంది బస్ కోసం నిరీక్షిస్తున్న దృశ్యం ఇది.
ప్రపంచ వ్యాప్తంగా వివిధ దేశాలలో బస్టాపులు ఎలాఉన్నాయో చూడండి. కొన్ని ఇప్పటికే నిర్మించబడి వాడుకుంటున్నవి కాగా మరికొన్ని కొత్తగా డిజైన్ చేయబడినవి. మన భారతదేశంలో కూడా ఇలాంటి బస్టాపులు చూడాలంటే మరెంత కాలం పడుతుందో....!!!!!!
