పోలీస్ వెంకటసామి...అదే..పోలీసెంకటసామి అనే పదం తెలుగు వాళ్ళు, తెలుగు పాటలు ఇష్టంగా వినే చాలా మందికి తెలుసు...
మనదేశం సినిమా కోసం మొదట సముద్రాల రాఘవాచార్యగారి కలంలో జాలువారి జిక్కి గొంతులో వినిపించిన పాట ఈ పోలీసెంకటసామి పాట. రేలంగి పాత్ర ఈ పోలీసెంకటసామి.
కానీ సినిమాలో పాటగా కన్నా తరువాత ఘంటసాలగారు ప్రైవేట్ రికార్డుగా పాడిన పోలీసెంకటసామి పాటే ప్రజల మనసుల్లోకి ఇంకిపోయింది.
'నిను నేను మరువలేనురా ఓ పంచదార వంటి పోలీసెంకటసామి...' అంటూ ఆపాటలో ఘంటసాల గొంతు (స్త్రీ పాత్ర పరంగా పలికినా) ఎన్ని హొయలు చిలికిందో, ఎన్ని ఎదలను గిలిగింత పెట్టిందో మనకు అనుభవమే..
కానీ ఇక్కడ నేను చెప్పే పోలీసెంకటసామి అతను కాదు. ' తొలికోడి కూసింది' అనే తమిళ చిత్రం తెలుగు అనువాదంలో శరత్ బాబు పోషించిన పాత్ర పేరు పోలీస్ వెంకటసామి.
ఆత్రేయ ఈ పాత్రకు ఒక పాట రాసారు. మంచి గమ్మత్తైన పాట అది. పోలీసు ఉద్యోగం చేస్తున్న పాత్ర ప్రేమలో పడితే ఆ పాత్ర పాడుకునే పాట ఇలాగే ఉంటుందని పించేలా.
ప్రతి వృత్తికీ ఆ వృత్తికే ప్రత్యేకమైన పడికట్టు పదాలు (జార్గన్) ఉంటాయి కదా. అలాంటి పోలీసువృత్తిలో ఉన్న పాత్ర వాడే పదాలను వాడుతూనే ఓ ప్రేమగీతం రాసారు ఆత్రేయ.
ఆ పాట సాహిత్యం ఇది...
పోలీసు వెంకటసామి నీకు పూజారయ్యాడు
ప్రేమ పూజారయ్యాడు
పచ్చీసు వయసేనాడో నీకు బక్షీసిచ్చాడు
నిన్నే గస్తీ కాసాడు
డ్యూటీలో ఉండి బ్యూటీ చూసి
సెల్యూట్ చేసాడు
మఫ్టీలో వచ్చి మనస్సులోనే
లాకప్ చేసాడు
మన కేసు ఈ రోజు
నువ్వు ఫైస్ల చేయాలి....
లవ్ చేసేందుకు లైసెన్సుంది
నేను సింగిలు గాణ్ణి
నువు సిగ్నల్ ఇస్తే లగ్నం పెడతా
ఆ పై డబుల్సు గాడి
బ్రేక్ వద్దని లైటు వద్దని
రూల్స్ నేనే మార్చేయనా
నీ ఊసులతో నీ ఊహలతో
ఓవరు లోడై మనసుంది
నీ పై నేను నిలిపిన ప్రేమ
వన్ వే ట్రాఫికు కాదంది
ఛార్జి చేసినా ఫైను వేసినా
వేరే రూటుకు పోనంది
టోపీరంగు కోకను కట్టి
లాఠీ లాంటి జడవేసి
జీపల్లే నువు మాపటి కొస్తే
సైడిస్తాను గదికేసి
కౌగిలింత కష్టడీలో ఖైదు చేసి
విజిలేయనా...
పాత్ర రూపురేఖలను, స్వభావాన్ని బట్టి పాట రాయడమే కాదు, పాత్ర నోట పలికే పాటలో తన వృత్తిధర్మంగా సహజంగా ఒదిగిపోయే మాటలను ఈ పాటలో ప్రయోగిస్తూ మరో మంచి పోలీసెంకటసామిని రూపుకట్టించారు ఆత్రేయ.
మన 'సు' కవి ఆత్రేయకు జేజేలు.
(ఈ వేళ మే 7 -ఆత్రేయ గారి జయంతి)
మనదేశం సినిమా కోసం మొదట సముద్రాల రాఘవాచార్యగారి కలంలో జాలువారి జిక్కి గొంతులో వినిపించిన పాట ఈ పోలీసెంకటసామి పాట. రేలంగి పాత్ర ఈ పోలీసెంకటసామి.
కానీ సినిమాలో పాటగా కన్నా తరువాత ఘంటసాలగారు ప్రైవేట్ రికార్డుగా పాడిన పోలీసెంకటసామి పాటే ప్రజల మనసుల్లోకి ఇంకిపోయింది.
'నిను నేను మరువలేనురా ఓ పంచదార వంటి పోలీసెంకటసామి...' అంటూ ఆపాటలో ఘంటసాల గొంతు (స్త్రీ పాత్ర పరంగా పలికినా) ఎన్ని హొయలు చిలికిందో, ఎన్ని ఎదలను గిలిగింత పెట్టిందో మనకు అనుభవమే..
కానీ ఇక్కడ నేను చెప్పే పోలీసెంకటసామి అతను కాదు. ' తొలికోడి కూసింది' అనే తమిళ చిత్రం తెలుగు అనువాదంలో శరత్ బాబు పోషించిన పాత్ర పేరు పోలీస్ వెంకటసామి.
ఆత్రేయ ఈ పాత్రకు ఒక పాట రాసారు. మంచి గమ్మత్తైన పాట అది. పోలీసు ఉద్యోగం చేస్తున్న పాత్ర ప్రేమలో పడితే ఆ పాత్ర పాడుకునే పాట ఇలాగే ఉంటుందని పించేలా.
ప్రతి వృత్తికీ ఆ వృత్తికే ప్రత్యేకమైన పడికట్టు పదాలు (జార్గన్) ఉంటాయి కదా. అలాంటి పోలీసువృత్తిలో ఉన్న పాత్ర వాడే పదాలను వాడుతూనే ఓ ప్రేమగీతం రాసారు ఆత్రేయ.
ఆ పాట సాహిత్యం ఇది...
పోలీసు వెంకటసామి నీకు పూజారయ్యాడు
ప్రేమ పూజారయ్యాడు
పచ్చీసు వయసేనాడో నీకు బక్షీసిచ్చాడు
నిన్నే గస్తీ కాసాడు
డ్యూటీలో ఉండి బ్యూటీ చూసి
సెల్యూట్ చేసాడు
మఫ్టీలో వచ్చి మనస్సులోనే
లాకప్ చేసాడు
మన కేసు ఈ రోజు
నువ్వు ఫైస్ల చేయాలి....
లవ్ చేసేందుకు లైసెన్సుంది
నేను సింగిలు గాణ్ణి
నువు సిగ్నల్ ఇస్తే లగ్నం పెడతా
ఆ పై డబుల్సు గాడి
బ్రేక్ వద్దని లైటు వద్దని
రూల్స్ నేనే మార్చేయనా
నీ ఊసులతో నీ ఊహలతో
ఓవరు లోడై మనసుంది
నీ పై నేను నిలిపిన ప్రేమ
వన్ వే ట్రాఫికు కాదంది
ఛార్జి చేసినా ఫైను వేసినా
వేరే రూటుకు పోనంది
టోపీరంగు కోకను కట్టి
లాఠీ లాంటి జడవేసి
జీపల్లే నువు మాపటి కొస్తే
సైడిస్తాను గదికేసి
కౌగిలింత కష్టడీలో ఖైదు చేసి
విజిలేయనా...
పాత్ర రూపురేఖలను, స్వభావాన్ని బట్టి పాట రాయడమే కాదు, పాత్ర నోట పలికే పాటలో తన వృత్తిధర్మంగా సహజంగా ఒదిగిపోయే మాటలను ఈ పాటలో ప్రయోగిస్తూ మరో మంచి పోలీసెంకటసామిని రూపుకట్టించారు ఆత్రేయ.
మన 'సు' కవి ఆత్రేయకు జేజేలు.
(ఈ వేళ మే 7 -ఆత్రేయ గారి జయంతి)
